ტრაგედიები ელექტრო სკუტერით- ორი დაღუპული ბოლო 24 საათში

ბოლო 24 საათის მანძილზე ორი უბედური შემთხვევა მოხდა კუნძულ პაროსზე  და მიკონოსზე.

ორივე შემთხვევაში დაზარალებულები ელექტრო სკუტერს მართავდნენ.

კერძოდ, პაროსში სამშაბათს დილით 26 წლის მამაკაცი,  ავტომანქანამ გაიტანა.

ავტომობილის მძღოლი 60 წლის ალბანელი  მამაკაცი იყო, რომელიც დააკავეს.

დაზარალებული  კუნძულის ჯანდაცვის ცენტრში გადაიყვანეს, სადაც მიყენებული დაზიანებებით გარდაიცვალა.

რამდენიმე დღით ადრე, აღდგომის კვირას კი მიკონოსზე  მეორე ავტოსაგზაო შემთხვევა მოხდა.

22  წლის უცხოელი ავტომანქანით  ელექტრო სკუტერით მოძრავ 42 წლის მამაკაცს დაეჯახა.

მამაკაცი ადგილზე გარდაიცვალა, ხოლო მძღოლი დააკავეს.

ორივე უბედური  შემთხვევის ზუსტ მიზეზებს და გარემოებებს პოლიციის შესაბამისი სტრუქტურები იძიებენ.