ღიორღოს პაპადაკის უკანასკნელი სიტყვები მაყურებელთა მიმართ მადლიერებას გამოხატავდა
ღიორღოს პაპადაკის უკანასკნელი სიტყვები მაყურებელთა მიმართ მადლიერებას გამოხატავდა
74 წლის ასაკში გარდაიცვალა 4 იანვარს ცნობილი ჟურნალისტი და ტელეწამყვანი ღიორღოს პაპადაკისი გულის შეტევით.
უკანასკნელად მაყურებელს ტელეწამყვანმა გადაცემა “Καλημέρα Ελλάδα”-დან მიმართა 4 ივლისს, რომელსაც 34 წლის განმავლობაში უძღვებოდა.
ტელეწამყვანმა თანამშრომლებს ბოლო გადაცემის დაწყებამდე დახმარება სთხოვა, რომ გული არ აჩუყებოდა, თუმცა გადაცემის მსვლელობისას ცრემლების შეკავება მაინც ვერ შეძლო და განსაკუთრებით იმ მომენტში, როცა ბოლოჯერ წარმოთქვა მის კარიერაში “დილამშვიდობის საბერძნეთო.”
“და აი დადგა ყველაზე რთული მომენტი იმ ოჯახისთვის, რომელიც ჩემს ყოველდღიურობას გამოაკლდება. რთულია ტელევიზიით ნამდვილი ემოციები გადმოსცე. მინდა დიდი მადლობა გადავუხადო ტელემაუწყებელ ΑΝΤ1-ს, თქვენ, მეგობრებს და თანამშრომლებს და გაჩვენოთ თუ რამდენად დიდ პატივს გცემთ. ქალბატონებო და ბატონებო მინდა მადლობა გადაგიხადოთ იმისთვის, რომ თავი ასე მნიშვნელოვნად და ამავდროულად თქვენთვის ასე ახლობელად, მეზობლად მაგრძობინეთ ამდენი წლის განმავლობაში. ადამიანად, რომელსაც ყოველდღე უღებდით კარს და უშვებდით თქვენს სახლებში.” – განაცხადა ტელეწამყვანმა მის ბოლო გადაცემაში.
