რომის პაპი საავადმყოფოში გადაიყვანეს-მას გადაუდებელი ოპერაცია ჩაუტარდება

ოთხშაბათს (6/7),  რომის პაპს ფრანცისკეს, გავრცელებული ინფორმაციით ნაწლავის ობსტრუქციის გამო ოპერაცია ჩაუტარდება.

რომის პაპი სამშაბათს დილით რომის Gemelli Hospital-ში გადაიყვანეს და როგორც იტალიური პრესა იუწყება, ოპერაცია გადაუდებელად ითვლება.

გასულ თვეში მან  ფილტვის ინფექციით საავადმყოფოში ხუთი დღე გაატარა და მაღალი სიცხის გამო მოსმენების გაუქმება მოუწია.

ვატიკანს ამ დრომდე კომენტარი არ გაუკეთებია პაპის ჯანმრთელობის მდგომარეობის გაუარესების და მისი საავადმყოფოში გადაყვანის  ზუსტ მიზეზებზე და დეტალებზე.

2021 წლის ივლისში მას ასევე ჩაუტარდა ოპერაცია, რა დროსაც  ამოკვეთეს  მსხვილი ნაწლავის ნაწილი.

ოპერაცია მიზნად ისახავდა მტკივნეული მდგომარეობის მკურნალობას, რომელსაც ეწოდება დივერტიკულიტი.