44 წლის კაცის თვითმკვლელობის საქმესთან დაკავშირებით ახალი დეტალები ვრცელდება
44 წლის კაცის თვითმკვლელობის საქმესთან დაკავშირებით ახალი დეტალები ვრცელდება
44 წლის კაცის თვითმკვლელობის საქმესთან დაკავშირებით ახალი დეტალები ვრცელდება.
protothema.gr-ის მიერ გავრცელებული ინფორმაციის თანახმად გარდაცვლილი საავადმყოფოს ტექნიკურ ჯგუფში მუშაობდა. თვითმკვლელობის დღეს უფროსისგან ერთ დღიანი Dayoff (დასვენების დღე) აიღო, ჯანმრთელობის მდგომარეობის გამო, მის მეუღლეს კი მოატყუა, რომ სამსახურში მიდიოდა და ყველასთვის უცნობ და გაურკვეველ ვითარებაში აღმოჩნდა ამბელოკიპზე მდებარე აპოლონის კოშკის 24-ე სართულზე, საიდანაც გადმოხტა და სიცოცხლე თვითმკვლელობით დაასრულა.
გარდაცვლილის ნათესავები ირწმუნებიან, რომ კაცს არ აღენიშნებოდა არც ფსიქოლოგიური და არც ფიზიკური პრობლემები, შესაბამისად მათთვის შოკის მომგვრელი იყო მომხდარი.
შეგახსენებთ, რომ 44 წლის კაცი 24-ე სართულზე მდებარე რესტორნიდან პარასკევს, 17 ოქტომბერს საღამოს გადმოხტა.
გავრცელებული ინფორმაციის თანახმად რესტორნის თანამშრომელმა დაინახა, რომ კაცი გადახტომას აპირებდა, მის საშველად გაიქცა თუმცა მისი დაჭერა ვერ მოასწრო.
ტრაგიკულ შემთხვევას კიდევ უფრო საზარელს ხდის ის ფაქტი, რომ გარდაცვლილს სულ მალე მეორე შვილი ეყოლებოდა.
