თესალონიკი: მეხანძრეებმა საქალაქთაშორისო ავტობუსიდან გველი ამოიყვანეს
ორშაბათს ნაშუადღევს, სალონიკში, საქალაქთაშორისო ავტობუსების მაკედონიის სადგურზე მეხანძრე მაშველებმა ავტობუსიდან გველი ამოიყვანეს.
გავრცელებული ინფორმაციით ავტობუსში გველის არსებობა სალონიკი-ფლორინას მარშრუტზე შენიშნეს.
როგორც შემდეგ გაირკვა ავტობუსში მყოფთაგან ერთ-ერთი ქალბატონი თავის შინაურ, მარჯნის გველთან ერთად მგზავრობდა.
როდესაც ავტობუსი სალონიკში ჩავიდა ქალი ავტობუსიდან ჩამოვიდა, გველი კი ავტობუსში დაავიწყდა.
როდესაც ავტობუსი უკან, ფლორინაში ბრუნდებოდა მგზავრებმა აღმოაჩინეს, რომ მათთან ერთად ქვეწარმავალი მგზავრობდა. გველის დანახვაზე მგზავრები პანიკაში ჩავარდნენ.
მძღოლი იძულებული გახდა მაკედონიის სადგურში დაბრუნებულიყო და სახანძრო-სამაშველო სამსახური გამოეძახა.
მაშველების განცხადებით გველი საშიში არ იყო და მგზავრებიდან არავინ დაშავებულა.
მეხანძრეებმა მგზავრები ავტობუსიდან ჩამოიყვანეს, თვითონ კი გველის პატრონის გამოჩენამდე ადგილზე დარჩნენ.
