რომელ მანქანებს აეკრძალებათ გადაადგილება საბერძნეთში

რომელ მანქანებს აეკრძალებათ გადაადგილება საბერძნეთში

საბერძნეთი სერიოზული გამოწვევის წინაშე დგას, რადგან ავტომანქანების დიდი ნაწილი, რომელიც ქვეყანაში გადაადგილდება არ შეესაბამება დაბინძურებისა და საგზაო უსაფრთხოების ახალ ევროპულ სტანდარტებს.

ავტომანქანების 45% 10-12 წელზე უფრო მეტი ასაკის არის. პრობლემა მხოლოდ წლოვანებაში არ არის, რადგან კლიმატური კრიზისის, ხანძრებისა და წყლის რეზერვის შემცირებასთან ერთად მათ მიერ გამონაბოლქვით ჰაერის დაბინძურება სტრუქტურულ პრობლემას აყალიბებს.

საბერძნეთში კერძო ავტომობილების საშუალო ასაკი დაახლოებით 17.5 წელია, ყველაზე მაღალი მაჩვენებელი ევროკავშირში. მაშინ, როდესაც ევროპის სხვა ქვეყნებში საშუალო ასაკი დაახლოებით 12-13 წელია.

აღნიშნული მაჩვენებელი მიგვანიშნებს ავტომანქანების უფრო მეტ ცვეთაზე, რაც ნიშნავს, რომ ისინი არ აკმაყოფილებენ თანამედროვე გამონაბოლქვის სტანდარტებს და შეიცავენ ტექნიკური პრობლემების უფრო მაღალ რისკს. 

2030 წლამდე მძღოლები, რომლებსაც ჰყავთ ევრო 4-ის და უფრო ძველი სპეციფიკაციების მქონე ავტომობილები, აღმოჩნდებიან საბერძნეტში შეზღუდვების, მაღალი ხარჯების, ან თანდათანობით მანქანის შეცვლის აუცილებლობის წინაშე.