ათენის მერია სოციალურად დაუცველ ოჯახებს კონდიციონერებს უფასოდ გადასცემს
ათენის მერია სოციალურად დაუცველ ოჯახებს კონდიციონერებს უფასოდ გადასცემს
ათენის მერია ქალაქის სოციალურად დაუცველ ოჯახებს 100 ენერგოეფექტურ (A კლასის) კონდიციონერს უფასოდ გადასცემს.
მერიის მიერ განხორციელებული პროგრამა მოიცავს კონდიციონერების შეძენას, ტრანსპორტირებასა და სერტიფიცირებული სპეციალისტის მიერ მონტაჟს. ტექნიკური შესაძლებლობის არსებობის შემთხვევაში, საცხოვრებელში ელექტროენერგიის მოხმარების მრიცხველიც დამონტაჟდება. ახალი მოწყობილობები ნაკლებ ელექტროენერგიას მოიხმარს და ზამთარში გათბობას, ზაფხულში კი ეფექტიან გაგრილებას უზრუნველყოფს.
განაცხადების მიღება მხოლოდ ელექტრონულად, 2026 წლის 19 ივლისამდე ბმულზე: https://klimatistika.cityofathens.gr. მონაწილეობა შეუძლიათ ათენის მუნიციპალიტეტში მუდმივად მცხოვრებ მოქალაქეებს, რომლებიც პროგრამით განსაზღვრულ სოციალურ და ეკონომიკურ კრიტერიუმებს აკმაყოფილებენ.
ბენეფიციარები ქულების სისტემის მიხედვით შეირჩევიან. შეფასებისას გათვალისწინებული იქნება ოჯახის შემოსავალი, ოჯახის წევრთა რაოდენობა, მრავალშვილიანი ან მარტოხელა მშობლის სტატუსი, ასევე ისეთი სოციალური ფაქტორები, როგორიცაა ოჯახში ხანდაზმულების ან მცირეწლოვანი ბავშვების ყოფნა.
პროექტი ევროკავშირის ASCEND პროგრამის ფარგლებში ხორციელდება და მიზნად ისახავს ენერგეტიკული სიღარიბის შემცირებას, საცხოვრებელი პირობების გაუმჯობესებასა და ქალაქის ეკოლოგიურად მდგრად განვითარებას.
