საბერძნეთი: საგზაო უსაფრთხოების კონტროლი მნიშვნელოვნად გამკაცრდა
საბერძნეთი: საგზაო უსაფრთხოების კონტროლი მნიშვნელოვნად გამკაცრდა
საბერძნეთში პოლიციამ მძღოლების მასობრივი შემოწმება დაიწყო, რათა ნასვამ მდგომარეობაში ავტომანქანის მართვის პრეცედენტი მნიშვნელოვნად შემცირდეს. მხოლოდ ატიკის რეგიონში ყოველთვიურად 150 000-ზე მეტი ალკოტესტი ტარდება, რაც ქვეყნის ისტორიაში რეკორდული მაჩვენებელია.
საბერძნეთის საგზაო პოლიციის მიერ გავრცელებული ინფორმაციის თანახმად, 2026 წლის 29 ივნისიდან 6 ივლისამდე პერიოდში 29 029 მძღოლი შემოწმდა. გამოვლინდა 254 დარღვევა, ხოლო ალკოჰოლის დასაშვებ ნორმაზე მეტი შემცველობის გამო 11 მძღოლი დააკავეს.
ბერძნული მოდელის განსაკუთრებულობა იმაში გამოიხატება, რომ საგზაო ბლოკპოსტებზე ყველა გამვლელი მძღოლი მოწმდება, გამონაკლისის გარეშე. ასეთი პრაქტიკა ევროკავშირის სხვა ქვეყნებში არ გამოიყენება, რადგან შემოწმებები, როგორც წესი, შერჩევითი მეთოდით ტარდება.
განახლებული საგზაო მოძრაობის კოდექსისა და ინტენსიური კონტროლის შედეგად, ბოლო თვეებში ნასვამ მდგომარეობაში მართვის შემთხვევები შემცირდა. 2026 წელს დადებითი ალკოტესტების რაოდენობა გასულ წელთან შედარებით დაახლოებით 16%-ით არის შემცირებული.
ხელისუფლების მიერ გავრცელებული ინფორმაციის თანახმად, კონტროლის კიდევ უფრო გაძლიერებას ხელს შეუწყობს 2026 წელს საბერძნეთის პოლიციაში თითქმის 1 900 ახალი თანამშრომლის მიღებაც.
