კიფსელი: ვის ეკუთვნის ცხედარი, რომელიც ჩემოდანში იპოვეს 

საბერძნეთის პოლიციამ ავიაკომპანიებისგან გამოითხოვა ინფორმაცია, რის შედეგადაც დადგინდება მოგზაურობდა თუ არა ქალი ვინმესთან ერთად. პარალელურად ცდილობს დაადგინოს ჰქონდა თუ არა მას სასტუმროს ჯავშანი ან ნაქირავები საცხოვრებელი ათენში.

გავრცელებული ინფორმაციის თანახმად საქმეში ჩაერთვება კვიპროსის პოლიციაც, რაც ბერძნულ სამართალდამცავ ორგანოებს დაეხმარება მიიღონ მონაცემები კვიპროსის ტერიტორიაზე ქალის გადაადგილებისა და შესაძლო კონტაქტების შესახებ. გამოძიების ვერსიით, ბრიტანელი ქალი სავარაუდოდ აშშ-ში ცხოვრობდა, რადგან მისი ბიომეტრიული მონაცემები ამერიკულ მონაცემთა ბაზაში იპოვეს.

ქალის იდენტიფიცირება ფრანგული უნივერსიტეტის ლოგოთი გაფორმებული შორტის დახმარებით მოხდა, რომელიც გარდაცვლილს ეცვა. ამ დეტალის საფუძველზე ინფორმაცია საერთაშორისო არხებით სხვადასხვა ქვეყნის პოლიციებსა და ინტერპოლს გადაეგზავნა.