Latest news
ისტორიული ვიდეო პოლიტექნიკური უნივერსიტეტის აჯანყების პირველი წლისთავიდან იცით თუ არა რომ მოძრაობის წესების დარღვევისას ქვეითებიც ჯარიმდებიან ირაკლიო: რატომ ჰქონდა 18 წლის ბავშვს საწვავით სავსე ბოთლთან წვდომა საბერძნეთის სახელმწიფო საბჭოს ვიცე პრეზიდენტი: არ ვიზიარებ მერების წინასწარ უარყოფით დამოკიდებულებას ზეფირი: „კოლეგის გადარჩენა ვცადე, მაგრამ ჟანგბადი გამითავდა“  კოლონოს: ილიას მიხოსი სასამართლოში გადაიყვანეს ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის...
სამშაბათი, ნოემბერი 17, 2026
საბერძნეთი

ტრანსგენდერი ქალის მკვლელობა ახარნონზე: მოტივი სავარაუდოდ რომანტიული ურთიერთობაა

ორშაბათს ახარნონზე, ფილის ქუჩაზე, ნაქირავებ ბინაში სასტიკად მოკლული 46 წლის ტრანსგენდერი ქალის სხეული აღმოაჩინეს, წარმოშობით კუბადან.

ანა ივანკოვა მის მიერ ნაქირავები ბინის პირველ სართულზე გარდაცვლილი იპოვა ბინის მესაკუთრემ, რომელიც გარდაცვლილს ქირის ანაზღაურებისთვის მობილურზე ურეკავდა, მაგრამ ის არ პასუხობდა.

იმის გამო, რომ 46 წლის ანა ყოველთვის პუნქტუალური იყო ქირის გადახდის დროს, ბინის მეპატრონე შეშფოთდა და ადგილზე მისული, რადგან კარი არავინ გაუღო, ბინაში საკუთარი გასაღებით შევიდა.

მან 46 წლის ტრანსგენდერი ნახევრად შიშველი, სისხლის გუბეში მწოლიარე, მისაღებში იპოვა და პოლიცია გამოიძახა.

შემთხვევის ადგილზე მისულმა პოლიციამ აღმოაჩინა სისხლით დასვრილი მაკრატელი და სხვა ბასრი საგნები, რომლებიც სავარაუდოდ 46 წლის უცხოელის მკვლელმა გამოიყენა.

მსხვერპლს კისრის არეში ორი ღრმა ჭრილობა აღენიშნებოდა. პოლიციის ცნობით, მკვლელმა მას 10-ჯერ დაარტყა ბასრი საგნით კისრის არეში, თავზე და მკერდზე. სამედიცინო ექსპერტიზის დასკვნით მკვლელობის იარაღი იყო არა დანა, არამედ სხვა ბასრი ნივთი, შესაძლოა მაკრატელი ან საჭრელი.

გარდაცვლილს ზურგის არეში იმავე ბასრი საგნის დარტყმის შედეგად მიღებული სისხლჩაქცევები აღენიშნებოდა, რაც ადასტურებს, რომ მსხვერპლი შეებრძოლა თავის მკვლელს და ის განსაკუთრებული სისასტიკით იქნა მოკლული.

გამოძიებას მკვლელობის დეპარტამენტი აწარმოებს, რომელიც მკვლელობის მოტივების გარკვევასა და დამნაშავის იდენტიფიცირებას ცდილობს.

მკვლელობის მთავარი მოტივი, რომელიც ამჟამად იკვეთება, რომანტიული ხასიათისაა და დაკავშირებულია მის საქმიანობასთან.

გარდაცვლილი მოცეკვავედ მუშაობდა ცნობილ ბარ “Koukles Club Athens “-ში, თუმცა ინფორმაციაში ნათქვამია, რომ ის სტუდიაშიც მუშაობდა. მიუხედავად ამისა გამოძიება ამ ეტაპზე მკვლელობის ყველა სხვა შესაძლო მოტივს ღიად ტოვებს.

ატიკის უშიშროების დეპარტამენტი გამოძიების პროცესში ყურადღებას ამახვილებს ძირითადად აზიური წარმოშობის პირებზე, რომლებიც ხშირად სტუმრობდნენ 46 წლის ტრანსგენდერ ქალს მის საცხოვრებელ ბინაში.

გავრცელებული ინფორმაციით, პოლიციამ უკვე მოაგროვა ვიზუალური მასალა ტერიტორიის უსაფრთხოების კამერებიდან და ასევე ჩვენებები, რომლებიც სავარაუდოდ შუქს მოჰფენს აღნიშნულ საქმეს.

 

 

 

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *