როდოსი: 73 წლის ქალი თაღლითობის მსხვერპლი გახდა-მას დიდი ოდენობის დაზღვევას დაპირდნენ
თაღლითობის მსხვერპლი გახდა კუნძულ როდოსზე მცხოვრები 73 წლის ბერძენი ქალი, რომელსც ხუთშაბათს, ნაშუადღევს, უცნობი პირი დაუკავშირდა და უთხრა, რომ მას 27 000 ევროს ოდენობის თანხა ეკუთვნიდა გარდაცვლილი მეუღლის დაზღვევიდან.
უცნობი ამტკიცებდა, რომ ბანკის თანამშრომელი იყო და იცოდა, რომ ის ქმრის პენსიას ამერიკიდან იღებდა. ამდენად, მოხუც ქალს ეჭვი არ შეუტანია, რომ ის თაღლითოპის მსხვერპლი იყო და დაუჯერა, როდესაც უცნობმა უთხრა, რომ საგადასახადო ავანსად 6122 ევრო უნდა ჩაერიცხა, რათა უზრუნველყოფის თანხის აღება შეძლებოდა.
73 წლის ქალი მივიდა ბანკის ფილიალში და თანხა უცნობის მიერ მიცემულ ანგარიშზე ჩარიცხა, მაგრამ როდესაც ის ცდილობდა მასთან დაკავშირებას, უცნობს მობილური ტელეფონი გამორთული ჰქონდა. მოხუცი მიხვდა, რომ მოტყუვდა და დახმარებისთვის პოლიციას მიმართა.
ამჟამად არხაგელოს პოლიციის განყოფილების თანამშრომლები დამნაშავის ვინაობის დადგენას ცდილობენ.
