კრიტი: რვა მცირეწლოვანი ბავშვი მარტო სახლში-მათ შორის სამი თვის ჩვილი

კრიტზე, ირაკლიოში ადგილობრივი პოლიცია უპრეცედენტო შემთხვევას იძიებს, რომლის მთავარი გმირიც 3 თვიდან 13 წლამდე ასაკის რვა მცირეწლოვანი ბავშვია, რომლებიც პოლიციის სწრაფი რეაგირების ჯგუფმა პარასკევს შუადღისას სახლში მარტო მყოფები აღმოაჩინა.

გავრცელებული ინფორმაციით, ინციდენტის შესახებ მას შემდეგ გახდა ცნობილი, რაც მეზობლებმა ბავშვების ტირილი გაიგონეს და პოლიციას აცნობეს, რის შემდეგაც  არასრულწლოვანების სიცოცხლისთვის საფრთხის შექმნის ბრალდებით 31 წლის ქალი დააკავეს, რომელმაც ისინი ზრდასრულის მეთვალყურეობის გარეშე დატოვა.

დამატებითი დეტალები მომხდართან დაკავშირებით ჯერჯერობით ცნობილი არ არის. საქმეს პოლიცია იძიებს.