Latest news
Ελληνικό Μετρό: კიფსელის მაცხოვრებლების სახლებიდან გამოყვანის საჭიროება არ არსებობს ბავშვთა დახმარება A21: 27 ნოემბრიდან ისევ იხსნება ელ.პლატფორმა განცხადებების მისაღებად გიორგოს მაზონაკისის გარდაცვალების მიზეზად პროპოფოლი დასახელდა მასშტაბური ღონისძიებები პოლიტექნიკურ უნივერსიტეტში ხუთი ევროპული ქვეყანა რუანდაში მიგრანტთა დაბრუნების ცენტრის შექმნას გეგმავს 17 ნოემბრის მნიშვნელობა სრულიად საბერძნეთისთვის 17 ნოემბერს შუადღის 2 საათიდან დაიკეტება მეტროსადგური: სინდაგმა, პანეპისტიმიო და მეღარო მუსიკის ისტორიული ვიდეო პოლიტექნიკური უნივერსიტეტის აჯანყების პირველი წლისთავიდან იცით თუ არა რომ მოძრაობის წესების დარღვევისას ქვეითებიც ჯარიმდებიან ირაკლიო: რატომ ჰქონდა 18 წლის ბავშვს საწვავით სავსე ბოთლთან წვდომა
ოთხშაბათი, ნოემბერი 18, 2026
მსოფლიოსაზოგადოება

ბრიტანეთის დედაქალაქი მეფის კორონაციისათვის ემზადება

ბრიტანეთი ახალი მეფის კორონაციის საზეიმო ცერემონიის მოლოდინში.

ამ ისტორიულ მოვლენამდე  თვეზე ნაკლები დრო რჩება.

6მაისს, დილით, ვესტმინსტერის სააბატოში, საეკლესიო წირვის დროს, ბრიტანეთის ახალ მონარქს მეუღლესთან, კამილასთან ერთად ოფიციალურად აკურთხებენ მეფედ.

კორონაციის დღეს ორი საზეიმო მსვლელობა გაიმართება ლონდონის ქუჩებში, ერთი მეფის კორონაციამდე, ხოლო მეორე, შედარებით მრავალრიცხოვანი აღლუმი  კორონაციის შემდეგ ბუკინგემის სასახლეში, სადაც მონარქი და სამეფო ოჯახის წევრები აივანზე გამოვლენ და  მიესალმებიან  საზოგადოებას.

საზეიმო ცერემონიის შესახებ გამოქვეყნებულ დეტალებში აღნიშნულია, რომ მეფის და მისი მეუღლის ტრადიული, კარეტით გასეირნება უფრო მოკლე და მოკრძალებული  იქნება, ვიდრე გარდაცვლილი დედოფალ ელისაბედის, 1953 წელს, საკუთარი კორონაციის დროს, როგორც ერთგვარი მოკრძალების და პატივისცემის გამოხატულება დედოფლის ხსოვნის მიმართ.

მეფე ჩარლზმა ამ მსვლელობისთვის სამეფო კოლექციის ერთ- ერთი უახლესი  კარეტა შეარჩია, რომელიც დამზადდა ავსტრალიაში და გადაეცა დედოფალ ელისაბედ მეორეს  2014 წელს.

მსვლელობა დაიწყება ბუკინგემის სასახლიდან, გაემართება ქალაქის ცენტრისაკენ საპატიო ესკორტის თანხლებით და დასრულდება ვესტმინსტერის სააბატოში, სადაც მსახურება დაიწყება დილის 11:00 საათზე ადგილობრივი დროით.

ღვთისმსახურების დასრულებას მოჰყვება კორონაციის პროცესი.

ჩარლზის მეფედ კურთხევა მოხდება მე-17 საუკუნის წმინდა ედუარდის გვირგვინით, რომელიც დამზადებულია 2,2 კილოგრამი სუფთა ოქროსგან და შემკულია უამრავი ძვირფასი ქვით.

მეფედ კურთხევის საზეიმო ცერემონიას 850- ზე მეტი მიწვეული სტუმარი დაესწრება. სტუმრების სიაში შედიან ბრიტანეთის იმპერიის ჩინოსანთა სრული შემადგენლობა, ასევე პირადად ჩარლზის და კამილას მიერ მიწვეული პირები სხვადასხვა საქველმოქმედო ორგანიზაციებიდან, რომლებსაც ექნებათ უშუალოდ ცერემონიაზე დასასწრები სპეციალური საშვები.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *