ბოლო პერიოდში არასრულწლოვნების მხრიდან ძალადობრივი ინციდენტების მუდმივი ზრდა შეინიშნება

არასრულწლოვან  გულშემატკივართა მხრიდან ძალადობის შემთხვევების მზარდი რაოდენობა პოლიციისთვის სერიოზული თავის ტკივილი ხდება.

საბერძნეთის პოლიციამ გუშინ ათენსა და თესალონიკში საფეხბურთო მატჩების დაწყებამდე 12 ადამიანი დააკავა ნარკოტიკებისა და სპორტის შესახებ კანონმდებლობის დარღვევისთვის.

კონკრეტულად, ახალ ფილადელფიაში ატიკაში, სტადიონის გარეთ წინასწარი შემოწმების დროს, 5 პირს 10,5 გრამი კანაფი აღმოაჩნდა, რომელიც ამოღებულია. კონტროლის დროს მოხდა მცირე ინციდენტებიც, რის შედეგადაც 2 პოლიციელი დაშავდა.

ამავდროულად, სალონიკში ტუმპაში გამართული ფეხბურთის მატჩის გამო, საბერძნეთის პოლიციის მიერ კონტროლის დროს იდენტიფიცირებული და დაკავებული იქნა 7 პირი, მათ თან ჰქონდათ 24 ჩირაღდანი და 3 ცეცხლსასროლი იარაღი, რომლებიც ამოღებულია.

პოლიციის ანალიტიკოსი ქ. ბალასკასი Alpha-სთან საუბრისას აცხადებს, რომ არსებული საკანონმდებლო ბაზა პასუხისმგებლობას აკისრებს მშობლებს, რომლებიც ასევე დაკავებულები არიან.

პოლიციის წყაროები აღნიშნავენ, რომ ბოლო თვეების განმავლობაში ასობით გულშემატკივარი მიიყვანეს ატიკას პოლიციის გენერალურ სამმართველოში. სტატისტიკა აჩვენებს, რომ მათგან დაახლოებით 30% არასრულწლოვანი იყო. მათი ასაკი 15 წლიდან იწყება. ეს არის ძირითადი ბირთვი, მაგრამ ეს არ ნიშნავს რომ არ არსებობს გამონაკლისები. შეიძლება ითქვას, რომ გუნდების „პროტაგონისტები“ ჩვეულებრივ 20-დან 26 წლამდე ახალგაზრდები არიან. ყველაზე მნიშვნელოვანი პრობლემა სწორედ ამ ასაკობრივ ჯგუფში შეიმჩნევა, რასაც ადასტურებს სალონიკში ალკისის მკვლელობისთვის დაპატიმრებები.

ბოლო რამდენიმე წლის განმავლობაში, ათენსა და თესალონიკში დაფიქსირდა, რომ ფანების ძველი ჯგუფიდან ხალხი შორდებოდა სტადიონებს და  ისინი შეცვალეს უმცროსებმა, რომელთაგან ზოგიერთი გაცილებით აგრესიულ ძალადობრივ ქცევას ავლენს.

„ისინი ხშირად არიან ახალგაზრდები ან არასრულწლოვნები, რომლებმაც განიცადეს ოჯახში ძალადობა. არის სკოლის მიტოვების, ნარკოტიკების მოხმარების და მშობლების მიერ მიტოვებული ბავშვების შემთხვევები. ისინი არიან ადამიანები, რომლებიც გრძნობენ ძლიერი „მიკუთვნებულობის“ მოთხოვნილებას. ოჯახი მათთვის არის ჯგუფი ან კავშირი. გუნდი ხდება მათი რელიგია და მოწინააღმდეგე გუნდი ხდება მტერი, რომელსაც უნდა შეებრძოლონ. მათი მიზანია მოწინააღმდეგეს ზიანი მიაყენონ ნებისმიერი საშუალებით. ამგვარად ისინი ხდებიან ჯგუფის კიდევ უფრო ერთგული წევრები და თავს მიღებულად გრძნობენ გარშემომყოფების მიერ. ისინი გრძნობენ, რომ ძალაუფლებას იღებენ თავიანთი თავდასხმებისგან“, – განმარტავს კრიმინოლოგი დესპინა სვურდაკუ.