განგაში ვოლოსში: არასრულწლოვანი გოგონა მომავალი ქმრის ოჯახმა გაიტაცა-დაკავებულია 2 ადამიანი
ვოლოსში თითქმის 24 საათიანი ძებნის შემდეგ იპოვეს 15 წლის გოგონა, რომელიც მისი მშობლების განცხადებით არგოსში, სახლიდან გაიტაცეს.
მშობლების სახლიდან არასრულწლოვანის გატაცების ფაქტზე პოლიციაში განცხადება ოთხშაბათს შევიდა, რის შემდეგაც გოგონას ძებნის ოპერაცია მიმდინარეობდა.
მისმა მშობლებმა პოლიციაში საჩივარი შეიტანეს 19 წლის ახალგაზრდის, ასევე მისი 48 და 44 წლის მშობლების წინააღმდეგ, რადგან როგორც აცხადებენ, სწორედ მათ გაიტაცეს გოგონა.
გავრცელებული ინფორმაციით, ორი ოჯახი ახალგაზრდების დაქორწინებაზე იყო შეთანხმებული, როდესაც კამათის შემდეგ მათ შორის საქორწინო შეთანხმება „ჩაიშალა“, რის შემდეგაც ბიჭის ოჯახმა 15 წლის არასრულწლოვანი არგოსიდან გაიტაცა.
გოგონა საბოლოოდ იპოვეს ვოლოსში, ნეა იონიის ბოშების დასახლებაში, მის გამტაცებლებთან ერთად, რომლებიც მაგნეზიის პოლიციის დეპარტამენტის თანამშრომლებმა დააკავეს.
