Latest news
საბერძნეთის პოლიცია 28 მილიონიანი საგადასახადო თაღლითობის საქმეს იძიებს ბულინგის მსხვერპლი 14 წლის მოზარდი თანაკლასელებზე შურისძიების მიზნით იარაღის შეძენის ფაქტზე დააკავეს ნევროკოპი: საბერძნეთის ყველაზე ცივი რეგიონი, სადაც აგვისტოშიც კი ტემპერატურა 8,8 გრადუსს არ სცდება საბერძნეთი: 25 ნოემბერს საყოველთაო გაფიცვა გამოცხადდა საგზაო მოძრაობის კოდექსი: სიახლეები ჯარიმების, მართვის მოწმობის ჩამორთმევისა და ახალბედა მძღოლებისთვ... სალონიკი შობისთვის ემზადება: შუშის ჭაღები, 56 ხის სახლი და გრანდიოზული კონცერტები OpenCar: ავტომობილის ნომრით შესაძლებელი იქნება გარბენის, ტექინსპექტირებისა და დაზღვევის შემოწმება პედიონ ტუ არეოსის პარკი საშობაოდ მორთეს ათენის მერი კიფსელის „წითელ ზონაში“ მოქცეული კორპუსების უსაფრთხოებაზე შეშფოთებას გამოთქვამს და მოსახ... ვრცელდება კადრები რომელშიც 24 წლის ქალის მკვლელობაში ეჭვმიტანილი ჩემოდნით ხალშია დაფიქსირებული
კვირა, ნოემბერი 22, 2026
საბერძნეთიჯანმრთელობა

საბერძნეთი: აფთიაქებმა გრიპის საწინააღმდეგო ვაქცინების 30% უკვე მიიღეს

საბერძნეთი: აფთიაქებმა გრიპის საწინააღმდეგო ვაქცინების 30% უკვე მიიღეს

საბერძნეთში გრიპის საწინააღმდეგო ვაქცინაციის სეზონი 2 ოქტომბერს დაიწყო. აფთიაქებში ვაქცინების საერთო მარაგის დაახლოებით 30% უკვე განაწილებულია. მიმდინარე სეზონზე საბერძნეთში ჯამში 3,64 მილიონი დოზის შეტანაა დაგეგმილი, გასულ სეზონზე კი 3,5 მილიონი დოზა იყო გათვალისწინებული.

გრიპის საწინააღმდეგო აცრა პირველ რიგში რეკომენდებულია 60 წლისა და უფროსი ასაკის ადამიანებისთვის, ექვსი თვიდან ხუთ წლამდე ბავშვებისთვის, ქრონიკული დაავადებების მქონე პირებისთვის, ორსულებისთვის, მშობიარობის შემდგომ პერიოდში მყოფი და მეძუძური ქალებისთვის, ასევე იმ ადამიანებისთვის, რომლებიც მაღალი რისკის ჯგუფის წარმომადგენლებს უვლიან. ვაქცინაცია განსაკუთრებით მნიშვნელოვანია ჯანდაცვისა და ხანდაზმულთა მოვლის დაწესებულებების თანამშრომლებისთვისაც.

რეკომენდებულია ვაქცინაცია ოქტომბრის შუა რიცხვებიდან ნოემბრის ბოლომდე, რადგან იმუნიტეტის ჩამოყალიბებას დაახლოებით ორი კვირა სჭირდება. თუმცა აცრა გრიპის სეზონის განმავლობაში მოგვიანებითაც შესაძლებელია. საბერძნეთში გრიპის გავრცელება, როგორც წესი, იანვარში მატულობს, პიკს კი თებერვალსა და მარტში აღწევს.

მეორე წელია საბერძნეთში ხელმისაწვდომია ცხვირის სპრეის სახით გამოსაყენებელი გრიპის ვაქცინაც, რომელიც განკუთვნილია 2-დან 18 წლამდე ასაკის ბავშვებისა და მოზარდებისთვის. ის არ არის რეკომენდებული ბრონქული ასთმის ან იმუნიტეტის მნიშვნელოვანი დაქვეითების მქონე ბავშვებისთვის. ასეთ შემთხვევებში ვაქცინის შესაფერისი ტიპი ექიმმა უნდა შეარჩიოს.

ჩვეულებრივი გრიპის ვაქცინები კერძო აფთიაქებში დაზღვეული და დაუზღვეველი პირებისთვის უფასოა და რეცეპტი არ სჭირდება. გაძლიერებული ვაქცინებისთვის კი ექიმის დანიშნულებაა საჭირო.

ჯანდაცვის სპეციალისტები მოქალაქეებს მოუწოდებენ, ვაქცინაციის საკითხი ოჯახის ექიმთან ან ფარმაცევტთან განიხილონ, განსაკუთრებით თუ ისინი რისკის ჯგუფს მიეკუთვნებიან.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *