Latest news
საბერძნეთის პოლიცია 28 მილიონიანი საგადასახადო თაღლითობის საქმეს იძიებს ბულინგის მსხვერპლი 14 წლის მოზარდი თანაკლასელებზე შურისძიების მიზნით იარაღის შეძენის ფაქტზე დააკავეს ნევროკოპი: საბერძნეთის ყველაზე ცივი რეგიონი, სადაც აგვისტოშიც კი ტემპერატურა 8,8 გრადუსს არ სცდება საბერძნეთი: 25 ნოემბერს საყოველთაო გაფიცვა გამოცხადდა საგზაო მოძრაობის კოდექსი: სიახლეები ჯარიმების, მართვის მოწმობის ჩამორთმევისა და ახალბედა მძღოლებისთვ... სალონიკი შობისთვის ემზადება: შუშის ჭაღები, 56 ხის სახლი და გრანდიოზული კონცერტები OpenCar: ავტომობილის ნომრით შესაძლებელი იქნება გარბენის, ტექინსპექტირებისა და დაზღვევის შემოწმება პედიონ ტუ არეოსის პარკი საშობაოდ მორთეს ათენის მერი კიფსელის „წითელ ზონაში“ მოქცეული კორპუსების უსაფრთხოებაზე შეშფოთებას გამოთქვამს და მოსახ... ვრცელდება კადრები რომელშიც 24 წლის ქალის მკვლელობაში ეჭვმიტანილი ჩემოდნით ხალშია დაფიქსირებული
კვირა, ნოემბერი 22, 2026
საბერძნეთიUncategorized

საქველმოქმედო ორგანიზაცია „Παιδική Χαρά“-ს დამფუძნებელი დღეს ჩვენებას მისცემს

საქველმოქმედო ორგანიზაცია „Παιδική Χαρά“-ს დამფუძნებელი დღეს ჩვენებას მისცემს

საბერძნეთში, საქველმოქმედო ორგანიზაცია „Παιδική Χαρά“-ს საქმეზე, დღეს, 5 ნოემბერს, 37 წლის კონსტანტინოს ფირინიდისი გამომძიებლის წინაშე წარდგება. მას ბრალად ედება ავადმყოფი ბავშვების დასახმარებლად შეგროვებული 2,9 მილიონი ევროს მითვისება.

ერთი დღით ადრე წინასწარი პატიმრობა შეეფარდა მის 35 წლის პარტნიორს, ვასილიკი მანისიოტის, რომელმაც თანხების გაუჩინარებაში პასუხისმგებლობა ფირინიდისს დააკისრა. მისი მტკიცებით, თანხის ნაწილი ფირინიდისმა აზარტულ თამაშებში დახარჯა, რადგან აზარტულ თამაშებზე დამოკიდებულების სერიოზული პრობლემა აქვს.

მანისიოტიმ ბრალდებები სრულად არ აღიარა და განაცხადა, რომ ბავშვების ოჯახებს რეალურად 900 ათას ევროზე ნაკლები თანხა ვერ გადაეცათ და არა 2,9 მილიონი, როგორც ბრალდებაშია მითითებული. მან ასევე აღიარა, რომ იცოდა მომხდარის შესახებ და ამის გამო ბოდიში მოიხადა.

საქმის მასალების მიხედვით, ფირინიდისს ონლაინტოტალიზატორებში დაახლოებით 2,6 მილიონი ევრო ჰქონდა განთავსებული, ხოლო მისი მოგება ორ მილიონ ევროს აჭარბებდა.

ამავდროულად, ფულის გათეთრების წინააღმდეგ ბრძოლის სამსახურმა ბრალდებულებისა და მანისიოტის ძმის საბანკო ანგარიშები, უძრავი ქონება და სხვა აქტივები დროებით დააყადაღა. გამოძიების ფარგლებში ლუქსემბურგში, PayPal-თან დაკავშირებული ოპერაციების მეშვეობით, დაახლოებით 300 ათასი ევროს ოდენობის თანხაც აღმოაჩინეს.

გამომძიებელმა და პროკურორმა ფირინიდისის დღევანდელი ჩვენების შემდეგ უნდა გადაწყვიტონ, შეუფარდონ თუ არა მას წინასწარი პატიმრობა. გამოძიება შემოწირულობების მოძრაობისა და თანხების გამოყენების საკითხზე გრძელდება.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *