ჰამასის უპრეცედენტო თავდასხმა ისრაელზე! თელ-ავივის აეროპორტთან რაკეტა აფეთქდა
დღეს შუადღისას, ჰამასმა ომის დაწყებიდან ერთ-ერთი ყველაზე მასობრივი შეტევა განახორციელა და ათობით რაკეტა გაისროლა ისრაელის მიმართულებით.
თავდასხმის სამიზნეა თელ-ავივი, ასევე მიმდებარე ქალაქები. არსებობს ცნობები, რომ ბენ გურიონის აეროპორტთან ახლოს რაკეტა ჩამოვარდა. ამ დროისთვის უცნობია იყო თუ არა მსხვერპლი ან ნგრევა. ბოლო მონაცემებით, რაკეტა თელ-ავივის აეროპორტიდან რამდენიმე მეტრში აფეთქდა. ჰამასის თავდასხმის ფაქტი ისრაელის თავდაცვის ძალებმაც დაადასტურეს, თუმცა ჯერჯერობით დეტალების გარეშე.
თელ-ავივში სირენების ხმა ისმის. ისრაელის ტელეარხების ცნობით ეს იყო ყველაზე დიდი და ძლიერი სარაკეტო თავდასხმა თელ-ავივზე ალ-კასმის მიერ ომის დაწყების შემდეგ. თელ-ავივზე და მის შემოგარენში სარაკეტო თავდასხმები ამ დრომდე გრძელდება.
ჰამასის რაკეტებმა შეაღწიეს ისრაელის სარაკეტო თავდაცვის სისტემაში და გრძელდება დარტყმები ისრაელის ყველაზე მჭიდროდ დასახლებულ ტერიტორიებზე, ასევე ბენ გურიონის საერთაშორისო აეროპორტზე.
