28 თებერვალს საზოგადოებრივი ტრანსპორტი 24 საათით გაიფიცება – მხოლოდ მეტრო, ილექტრიკო და ტრამვაი იმუშავებენ რამდენიმე საათით
28 თებერვალს საზოგადოებრივი ტრანსპორტი 24 საათით გაიფიცება – მხოლოდ მეტრო, ილექტრიკო და ტრამვაი იმუშავებენ რამდენიმე საათით
პარასკევს, 28 თებერვალს დაგეგმილ 24 საათიან გაფიცვას შეუერთდება საბერძნეთის საზოგადოებრივი ტრანსპორტიც, რათა წვლილი შეიტანონ ტემბში დაღუპული ადამიანებისთვის სამართლის აღსრულების მოთხოვნაში.
რამდენიმე საათით იმუშავებს მხოლოდ მეტრო, ილექტრიკო და ტრამვაი. აღნიშული საზოგადოებრივი ტრანსპორტი დილის 09:00 საათიდან საღამოს 17:00 საათამდე მოემსახურება საბერძნეთის მოსახლეობას, რათა ხელი შეუწყოს მათ საპროტესტო აქციებამდე მისვლასა და სახლებში დაბრუნებაში.
შეგახსენებთ, რომ პარასკევს გაიფიცება სრულიად საბერძნეთი ტემბში 2 წლის წინ მომხდარ ტრაგედიასთან დაკავშირებით. გაფიცვის თარიღი საბერძნეთის კერძო მუშაკთა გენერალური კავშირისა და საჯარო მოხელეთა გაერთიანების საბჭოს გადაწყვეტილებით დადგინდა.
გაფიცვის მთავარი მოთხოვნებია:
- საბოლოოდ ამოქმედდეს კანონის უზენაესობა
- აღმოიფხვრას დამნაშავეებზე ხელის დაფარების ყველანაირი მცდელობა
- დაისაჯოს ტრაგედიაზე პასუხისმგებელი ყველა პირი, განურჩევლად მათი თანამდებობისა
გაფიცვას შეუერთდება საბერძნეთის საზღვაო ფედერაცია, შესაბამისად პარასკევს გემები არ შეასრულებენ დაგეგმილ მარშრუტებს, ტაქსის მძღოლები შეწყვეტენ მუშაობას დილის 10:00 საათიდან შუადღის 13:00 საათამდე. გაფიცვას ასევე შეუერთდება საბერძნეთის საავიაციო სამსახური და შესრულდება მხოლოდ კონკრეტული ფრენები.
გავრცელებული ინფორმაციის თანახმად გაფიცვაში მონაწილეობას მიიღებს სასწრაფო დახმარების თანამშრომლების კავშირიც.
დაიკეტება თეატრები და ღამის კლუბებიც.
