ავტოსაგზაო შემთხვევამ 13 წლის ბიჭის სიცოცხლე იმსხვერპლა

ავტოსაგზაო შემთხვევამ 13 წლის ბიჭის სიცოცხლე იმსხვერპლა

ტელემაუწყებელ ΕΡΤ-თან ისაუბრა 13 ბიჭის ექიმმა, იანნის მიხოპულოსმა, რომლის სიცოცხლეც 29 აპრილს ავტოსაგზაო შემთხვევამ იმსხვერპლა: “დაბადებიდაბ ვიცნობდი ამ ბავშვს. ბებიას მოჰყავდა ხოლმე კლინიკაში. ყველას ძალიან დაგვწყვიტა გული. ბავშვი სასწრაფო დახმარების ბრიგადამ მოიყვანა მძიმე დაზიანებებით, ფაქტობრივად პულსის გარეშე, კლინიკურად მკვდარი. სასწრაფო დახმარების ექიმებმა გვითხრეს, რომ გზიდანვე დაიწყეს მისთვის პირველადი სამედიცინო დახმარების აღმოჩენა. საათი და თხუთმეტი წუთი ვცდილობდით შეუჩერებლად მისთვის სიცოცხლის ნიშნების დაბრუნებას. თუმცა უშედეგოდ.. ტრაგედიაა ხედავდე პატარა ბავშვის გარდაცვალებას.. განსაკუთრებით მაშინ, როცა მიზეზი ავტოსაგზაო შემთხვევაა.”

შეგახსენებთ, რომ ანდრიცენა-კრესტენონის მუნიციპალიტეტში მომხდარმა ავტოსაგზაო შემთხვევამ 13 წლის ბიჭის სიცოცხლე იმსხვერპლა.

უბედური შემთხვევა 29 აპრილს საღამოს 7:30 საათზე მოხდა. არასრულწლოვანი სკუტერს მართავდა, როცა საპირისპიროდ მიმავალ სამიწათმოქმედო მანქანას შეეჯახა, რომელსაც 53 წლის კაცი მართავდა.

შეჯახების შედეგად არასრულწლოვანი მძიმედ დაშავდა.

დაშავებული კრესტენონის სამედიცინო ცენტრში გადაიყვანეს სადაც ექიმები საათების განმავლობაში ცდილობდნენ მის გონზე მოყვანას.