კუნძულ კოსზე ჩვილი ბავშვის ცხედარი იპოვეს

კუნძულ კოსზე ჩვილი ბავშვის ცხედარი იპოვეს

კუნძული კოსის საავადმყოფოში გუშინ ღამით თითქმის ერთი წლის გოგონა მიიყვანეს, რომელიც უკვე გარდაცვლილი იყო, თუმცა ამის დადგენა მისმა გარშემომყოფებმა მაშინვე ვერ შეძლეს.

გარდაცვლილი გოგონას მშობლებმა საღამოს 8 საათისთვის დარეკეს სასწრაფო დახმარების გამოსაძახებლად. ზარის დროს გოგონას დედა, რომელიც მეორე ბავშვზეა ორსულად, “ბავშვი, ბავშვი”-ყვიროდა. თუმცა მაშინ როცა სასწრაფო დახმარების ბრიგადამ ბავშვი საავადმყოფოში მიიყვანა პატარა გოგონა უკვე გარდაცვლილი იყო.

პოლიციამ გოგონას მშობლები განყოფილებაში გადაიყვანა დასაკითხად, რადგან გოგონას ცხედარს აღენიშნებოდა ნაკაწრები და სისხლჩაქცევები.

გარდაცვლილი გოგონას მშობლები ამ დრომდე დაკავებულები არიან და განყოფილებაში დარჩებიან მანამ, სანამ გამოძიება არ დაადგენს გარდაცვალების ზუსტ მიზეზებს. 

გოგონას ცხედარს დღეს კუნძულ როდოსზე გადაიყვანენ ექსპერტიზის ჩასატარებლად.