Latest news
ზეფირი: ხანძრის შედეგად გარდაცვლილი 2 მეხანძრის საქმესთან დაკავშირებით პროკურორი 34 წლის ქალსა და მი... ათენის პოლიტექნიკური უნივერსიტეტი აჯანყების 53-ე წლისთავთან დაკავშირებით უნივერსიტეტის ჭიშკარი გაიხს... მიგრანტთა დაბრუნების ცენტრები: ორშაბათს გამოცხადდება ევროკავშირის პირველი არაწევრი ქვეყანა, რომელიც ... „ბავშვის მდგომარეობის დამძიმების მიზეზი მისი მეტაბოლიზმი გახდა“ - აცხადებენ პატიმრობაში მყოფი 4 თვის... დაღუპულ მეხანძრეებს კოლეგებმა წუთიერი დუმილითა და თეთრი ყვავილებით მიაგეს პატივი პოლიტექნიკური უნივერსიტეტი: რატომ მიიღეს უნივერსიტეტის შენობის დაკეტვის გადაწყვეტილება სამშენებლო კოეფიციენტის გაზრდის გეგმას მუნიციპალიტეტების მერები აპროტესტებენ პოლიცია პოლიტექნიკური უნივერსიტეტის აჯანყების წლისთავისთვის გაძლიერებულ მზადყოფნაშია საბერძნეთის სურსათისა და მედიკამენტების ეროვნული ორგანიზაციის თანამშრომელი: „აღმოჩენილი პრეპარატები ... პატრა: ოთხი თვის ჩვილის მშობლებს განზრახ მკვლელობის მცდელობაში ედებათ ბრალი
კვირა, ნოემბერი 15, 2026
საბერძნეთისაზოგადოება

შეუერთდება თუ არა საზოგადოებრივი ტრანსპორტი საგანმანათლებლო დაწესებულებების გაფიცვას

შეუერთდება თუ არა საზოგადოებრივი ტრანსპორტი საგანმანათლებლო დაწესებულებების გაფიცვას

ხვალ, 20 ოქტომბერს და ზეგ 21 ოქტომბერს საბერძეთის უნივერსიტეტების სტუდენტები და სკოლის მოსწავლეები საპროტესტო აქციას გამართავენ. 

საპროტესტო აქციები 20 ოქტომბერს, საღამოს 6 საათზე დაიწყება. ახალგაზრდები სიდაღმას მოედანზე შეიკრიბებიან, სადაც გაიმართება მხარდამჭერი კონცერტიც.

21 ოქტომბერს კი საყოველთაო გაფიცვა გამოცხადდა საბერძნეთის საგანმანათლებლო სფეროში, რომელშიც მასწავლებლები და პედაგოგები მონაწილეობენ. პარალელურად, ათენში შუადღის 12 საათზე, სალონიკში 11:30 საათზე ვენიზელოსის ძეგლთან და პატრაში 10:30 საათზე წმინდა გიორგის მოედანზე საპროტესტო აქციებია დაგეგმილი. მასწავლებლები მუშაობას დილის 11 საათიდან შუადღის 2 საათამდე შეწყვეტენ. 

საზოგადოებრივი ტრანსპორტი, ძირითადად, ჩვეულ რეჟიმში იმუშავებს. მეტროს, ტრამვაის, ავტობუსებისა და ტროლეიბუსების გაფიცვის ან მუშაობის შეჩერების შესახებ განცხადება ჯერ არ გაკეთებულა.

თუმცა, სალონიკის მეტროში უსაფრთხოების ზომების გამო დროებითი შეზღუდვები დაწესდება.

სალონიკში მეტროს ხუთი სადგური დაიკეტება

ოთხშაბათს, 21 ოქტომბერს, დილის 09:00 საათიდან:

  • „Δημοκρατίας“ 
  • „Βενιζέλου“ 
  • „Αγίας Σοφίας“
  • „Σιντριβάνι“ 
  • „Πανεπιστήμιο“

შეზღუდვის პერიოდში მატარებლები აღნიშნულ სადგურებზე გაჩერების გარეშე გაივლიან. მგზავრებს დამატებითი ინფორმაციისთვის განახლებული ოფიციალური განცხადებების გაცნობა ურჩევენ.

გაფიცვაში მონაწილეობენ დაწყებითი განათლების მასწავლებლები, საბავშვო ბაღების პედაგოგები და საშუალო განათლების მასწავლებლები. 

მოქალაქეებისთვის, განსაკუთრებით მათ, ვინც სალონიკში გადაადგილებას მეტროთი გეგმავს, რეკომენდებულია წინასწარ გაითვალისწინონ სადგურების დროებითი დახურვა და საჭიროების შემთხვევაში ალტერნატიული მარშრუტი შეარჩიონ.

Facebook Comments Box

კომენტარის დატოვება

თქვენი ელფოსტის მისამართი გამოქვეყნებული არ იქნება. სავალდებულო ველების მონიშვნის ნიშანი *