შვედეთი: ავარია გასართობ პარკში ატრაქციოზე-დაღუპულია ერთი ადამიანი

შვედეთის დედაქალაქ  სტოკჰოლმში, დღეს შუადღეს, ერთ -ერთ გასართობ პარკში საშინელი შემთხვევა მოხდა,  ატრაქციონის ვაგონი რელსებიდან გადავიდა და დიდი  სიმაღლიდან ჩამოვარდა, რის შედეგადაც ერთი ადამიანი დაიღუპა, სულ მცირე შვიდი კი  დაშავდა, მათ შორის არიან  ბავშვები.

გავრცელებული ინფორმაციით ვაგონში სულ 17 ადამიანი იმყოფებოდა, მათგან სამის მდგომარეობა ძალიან მძიმეა, დანარჩენმა სამმა ბავშვმა სხეულის მსუბუქი დაზიანება მიიღო.

თვითმხილველების თქმით, დიდი სიჩქარის გამო ვაგონის ბორბლები რელსებს ასცდა და ლიანდაგიდან გადავიდა, შემდეგ კი ქვემოთ დაცურდა და საბოლოოდ ძირს დაეცა.

შვედმა ჟურნალისტმა, რომელიც ოჯახთან ერთად ეწვია გასართობ პარკს და შემთხვევით იმყოფებოდა ავარიის ადგილზე, თქვა, რომ ავარიამდე მეტალის ხრჭიალის ხმა გაიგონა  და შენიშნა, თუ როგორ ირყეოდა მეტალის კონსტრუქცია.

გასართობ პარკში სასწრაფო დახმარებისა და სახანძრო მანქანები დაუყოვნებლივ  მივიდნენ, პოლიციამ კი შემთხვევის გამომწვევი მიზეზების გამოძიება დაიწყო, რაც ამ დრომდე გაურკვეველია.

გრონა ლუნდის გასართობ პარკს, სადაც უბედური შემთხვევა მოხდა, 140 წლიანი ისტორია აქვს. ავარიის შემდეგ ის დროებით დაიხურა.

ატრაქციონი გაიხსნა 1988 წელს და ბოლოს განახლდა 2000 წელს.  ეს არის ვაგონი,რომელიც  დადის ფოლადის რელსებზე 90 კმ/სთ სიჩქარით, ხოლო სიმაღლე 30-დან  800 მეტრამდე აღწევს.

იგი ყოველწლიურად მილიონზე მეტი ადამიანს მასპინძლობს, ნათქვამია გასართობი პარკის ვებგვერდზე.