ჯოჯოხეთური ღამე გადაიტანა ჩრდილო-აღმოსავლეთ ატიკას მოსახლეობამ – 670 მეხანძრე თავდაუზოგავად იბრძვის ხანძრის დასამორჩილებლად
ჯოჯოხეთური ღამე გადაიტანა ჩრდილო-აღმოსავლეთ ატიკას მოსახლეობამ – 670 მეხანძრე თავდაუზოგავად იბრძვის ხანძრის დასამორჩილებლად
ჯოჯოხეთის გავლა უწევთ უკვე მეორე დღეა ჩრდილო-აღმოსავლეთ ატიკას მოსახლეობას და მეხანძრეებს, რომლებიც ხანძრის ჩასაქრობად ძალ-ღონეს არ იშურებენ, თუმცა ძლიერი ქარების, სიმშრალისა და მაღალი ტემპერატურის გამო ხანძარი ელვის სისწრაფით ედება დიდ ტერიტორიას.
კლიმატური კრიზისისა და სამოქალაქო დაცვის მინისტრმა ვასილის კიკილიასმა განაცხადა, რომ ვიმყოფებით განსაკუთრებით საშიშ მდგომარეობაში, რადგან მეხანძრეებს კლიმატური მდგომარეობა საერთოდ არ უწყობს ხელს ხანძრის დასამორჩილებლად.
მიუხედავად იმისა, რომ ცეცხლის ჩასაქრობად 670 მეხანძრე, 183 სახანძრო მანქანით, 27 ფეხმავალთა ჯგუფი და 32 საჰაერო ძალების წარმომადგენელი (17 წყალმფრქვევი და 15 ვერტმფრენი) მუშაობენ 7 ბოფორის სიმძლავრის ქარები ცეცხლის კერების არამხოლოდ გავრცელებაში, არამედ ჩამქვრალი კერების თავიდან გაღვივებაშიც უწყობენ ხელს.
ხანძარი უკონტროლოდ ვრცელდება და მუდმივად იცვლის მიმართულებას.
