შემზარავი ავტოსაგზაო შემთხვევა ალიმოში

საშინელი ავარია მოხდა  ალიმოში, რომლის დროსაც 28 წლის მამაკაცი დაიღუპა.

დიდი სიჩქარით მოძრავი 28 წლის მოტოციკლისტი კალამაკის გამზირზე   მიმდინარე მანქანას შეეჯახა, რომელმაც  გზაჯვარედინზე  საგზაო მოძრაობის წესი დაარღვია.

შეჯახება იმდენად ძლიერი იყო, რომ მოტოციკლიდან გადმოვარდნილი ახალგაზრდა ამობრუნებული ავტომობილის სალონში  შევარდა.

შემთხვევის ადგილზე მისულმა მეხანძრე- მაშველებმა მოტოციკლისტის უსიცოცხლო ცხედარი ამოიყვანეს, რომელიც სასწრაფო დახმარების ბრიგადამ გადაიყვანა.

მსუბუქი დაზიანებები მიიღო ავტომობილის მძღოლმა, მან შეძლო სამაშველო ბრიგადის მისვლამდე ავტომობილიდან დამოუკიდებლად გადმოსვლა.

მძღოლი საავადმყოფოში იქნა გადაყვანილი.

როგორც ცნობილია აღნიშნულ გზაჯვარედინზე  მოძრაობის წესების დარღვევის გამო არაერთი ავტოსაგზაო შემთხვევაა მომხდარი წარსულშიც.